काँग्रेस नेते नाराज असल्याच्या चर्चा सुरू असताना काँग्रेस नेते मिलिंद देवरा काँग्रेसला रामराम करुन शिंदेंच्या गटात प्रवेश करणार असल्याची माहिती समोर आली आहे.
येत्या काही महिण्यात देशात लोकसभा निवडणूक (Loksabha Election 2024) होणार आहे. या पार्श्वभुमीवर राजकीय नेते आपल्या पक्षाची शक्ती वाढवण्यात गुंतले आहे. एकीकडे आज काँग्रेसकडून भारत जोडो यात्रेला (Congress Bharat Jodo Yatra) सुरुवात करण्यात येत आहे तर दुसरीकजे काँग्रेसमध्ये एक मोठी घडामोड घडली आहे. काँग्रेस नेते मिलिंद देवरा (Millind Deora) त्यांच्या सदस्यत्वाचा राजीनामा दिला आहे. या बातमीनं देशाच्या राजकारणात एकच खळबळ उडाली आहे. महत्त्वाचं म्हणजे मिलिंद देवरा आजच शिंदे गटात (Eknath Shinde Group) प्रवेश करणार असल्याच्या चर्चांना उधाण आलं आहे.
हे सुद्धा वाचा
दरम्यान, दक्षिण मुंबई मतदारसंघाबाबत (Mumbai South Lok Sabha Constituency) महाविकास आघाडीत काहीशी धुसफूस असल्याचं दिसून येत आहे. ठाकरे गटाकडून (Thackeray Group) वारंवार दक्षिण मुंबई मतदारसंघावर दावा सांगण्यात आल्यापासूनच काँग्रेस नेते नाराज असल्याच्या चर्चा आहेत. अशातच याच नाराजीतून काँग्रेस नेते मिलिंद देवरा (Milind Deora) काँग्रेसची (Congress) साथ सोडून शिंदेंच्या शिवसेनेत (Shinde Group) प्रवेश करणार असल्याची माहिती मिळत आहे.
