Malaik Arora Cryptic Post : बॉलिवूड अभिनेत्री मलायका अरोरा हिला आज कोणत्याही वेगळ्या ओळखीची गरज नाही. प्रोफेशनल लाईफमध्ये मलायका आज उंची गाठत असली, तरी तिने वैयक्तिक आयुष्यात बरेच चढ-उतार पाहिले आहेत. अरबाज खानसोबत घटस्फोट घेतल्यानंतर मलायकाने अर्जुन कपूरला बराच काळ डेट केले होते. पण आता हे नातेही संपुष्टात आले आहे. अलीकडेच अर्जुन कपूरने स्वत: मलायकासोबतच्या ब्रेकअपला दुजोरा दिला आणि तो अजूनही सिंगल असल्याचे म्हटले. या दरम्यान, आता मलायकाने अशी पोस्ट केली आहे, ज्यानंतर सगळेच गोंधळलेले दिसत होते. या पोस्टमध्ये मलायकाने एक निर्णय घेतला आहे.
