राज्यात विधानसभा निवडणुकीचा प्रचार आता शिगेला पोहोचला असतानाच मालेगाव मतदारसंघातून एक धक्कादायक बातमी समोर आली आहे. मालेगाव विधानसभा मतदारसंघातील एमआयएमचे उमेदवार व विद्यमान आमदार मुफ्ती इस्माईल यांना हृदयविकाराचा झटका आला आहे. निवडणूक प्रचार करत असतानाच त्यांना हृदयविकाराचा झटका आला. त्यांना उपचारासाठी तातडीने खासगी रुग्णालयात दाखल करण्यात आले असून त्यांच्यावर अतिदक्षता विभागात उपचार सुरू आहेत.
