[ad_1]
Judge Cash Row: दिल्ली उच्च न्यायालयाचे न्यायमूर्ती यशवंत वर्मा यांच्या घरातील पहिला फोटो, व्हिडीओ अखेर समोर आले आहेत. फोटोंमध्ये त्यांच्या घरात नोटांचा साठा दिसत आहे, ज्यामधील काही नोटा जळालेल्या आहेत. न्यायमूर्ती यशवंत वर्मा यांच्या घरी इतक्या मोठ्या प्रमाणात रोख रक्कम कुठून आली याचा तपास करण्यासाठी समिती गठीत करण्यात आली आहे. पण त्याआधीच फोटो, व्हिडीओ समोर आले आहेत. सुप्रीम कोर्टाने आपल्या वेबसाईटवर हे फोटो शेअर केले आहेत.
घरात रोख रकमेचा साठा, न्यायाधीशांच्या घरी आग लागल्यानंतर उघड झालं रहस्य; सुप्रीम कोर्टाने केली बदली
यासह जारी करण्यात आलेल्या रिपोर्टमध्ये म्हटलं आहे की, “ज्या खोलीत आग लागली तिथे नियंत्रण मिळवल्यानंतर 4 ते 5 अर्धवट अवस्थेत जळालेली पोती सापडली आहेत. ज्याच्या आतमध्ये भारतीय चलन होतं”. यासह प्रकरणाशी संबंधित दिल्ली हायकोर्टाचे चीफ जस्टिस यांचा रिपोर्टही सार्वजनिक झाला आहे. तसंच यावर न्यायमूर्ती वर्मा यांनी दिलेलं उत्तरही सार्वजनिक करण्यात आलं आहे. प्रकरणाशी संबंधित कागदपत्रं वेबसाईटवर शेअर करण्यात आले आहेत.
#BREAKING Video shared by Delhi Police Commissioner regarding the fire at Justice Yashwant Varma’s house, when cash currencies were discovered. pic.twitter.com/FEU50vHwME
— Live Law (@LiveLawIndia) March 22, 2025
सर्वोच्च न्यायालयाच्या वेबसाइटवर जारी केलेल्या प्रेस रिलीजमध्ये सांगण्यात आलं आहे की, “सर्वोच्च न्यायालयाच्या मुख्य न्यायाधीशांनी दिल्ली उच्च न्यायालयाचे विद्यमान न्यायाधीश न्यायमूर्ती यशवंत वर्मा यांच्यावरील आरोपांची चौकशी करण्यासाठी तीन सदस्यीय समिती स्थापन केली आहे. या समितीमध्ये पंजाब आणि हरियाणा उच्च न्यायालयाचे मुख्य न्यायाधीश शील नागू, हिमाचल प्रदेश उच्च न्यायालयाचे मुख्य न्यायाधीश जी.एस. संधावालिया आणि कर्नाटक उच्च न्यायालयाच्या न्यायाधीश अनु शिवरामन यांचा समावेश आहे. दिल्ली उच्च न्यायालयाच्या मुख्य न्यायाधीशांना सध्या न्यायमूर्ती यशवंत वर्मा यांना कोणतेही न्यायालयीन काम देऊ नये असं सांगण्यात आले आहे. दिल्ली उच्च न्यायालयाच्या मुख्य न्यायाधीशांनी त्यांचा अहवाल सादर केला आहे”.
दिल्ली हायकोर्टाचे मुख्य न्यायाधीश काय म्हणाले?
दिल्ली उच्च न्यायालयाचे मुख्य न्यायाधीश म्हणाले, “मी न्यायमूर्ती वर्मा यांच्याशी संपर्क साधला, जे 17 मार्च रोजी सकाळी 8.30 वाजता दिल्ली उच्च न्यायालयाच्या अतिथीगृहात भेटले, जिथे मी सध्या राहत आहे. न्यायमूर्ती वर्मा यांनी उत्तर देताना सांगितले की, ज्या खोलीत आग लागली त्या खोलीत फक्त काही फर्निचर आणि गाद्या इत्यादी निरुपयोगी घरगुती वस्तू ठेवण्यात आल्या होत्या. त्यांनी असेही सांगितले की नोकर, माळी आणि कधीकधी सीपीडब्ल्यूडी कर्मचारी खोलीत येऊ, जाऊ शकत होते. त्यांनी मला असंही सांगितलं की घटनेच्या वेळी ते भोपाळमध्ये होते आणि त्यांना ही माहिती त्यांच्या मुलीकडून मिळाली. न्यायमूर्ती वर्मा यांनी मला पुढे सांगितले की सध्या खोलीत एक काळा जळालेला पदार्थ (काजळी) पडलेला आहे. यानंतर मी त्यांना माझ्या व्हॉट्सअॅपवरील फोटो आणि व्हिडिओ दाखवले, जे पोलिस आयुक्तांनी मला आधीच पाठवले होते. यानंतर त्याने आपल्याविरुद्ध कट रचल्याची भीती व्यक्त केली”.
दिल्ली उच्च न्यायालयाचे मुख्य न्यायाधीश पुढे म्हणाले, “घटनेचा अहवाल, उपलब्ध साहित्य आणि न्यायमूर्ती यशवंत वर्मा यांचे उत्तर तपासल्यावर मला असं आढळले की पोलिस आयुक्तांनी 16 मार्च रोजीच्या त्यांच्या अहवालात म्हटलं आहे की न्यायमूर्ती यशवंत वर्मा यांच्या निवासस्थानी तैनात असलेल्या गार्डनुसार, 15 मार्चला सकाळी ज्या खोलीत आग लागली होती तिथून कचरा आणि इतर अंशतः जळालेल्या वस्तू काढून टाकण्यात आल्या. मी केलेल्या तपासातून बंगल्यात राहणारे लोक, नोकर, माळी आणि सीपीडब्ल्यूडी कर्मचारी (जर असतील तर) यांच्याव्यतिरिक्त इतर कोणी खोलीत प्रवेश केला होता का हे प्रथमदर्शनी उघड होत नाही. त्यामुळे, संपूर्ण प्रकरणाची सखोल चौकशी होणे आवश्यक आहे असे माझे प्रथमदर्शनी मत आहे”.
[ad_2]
Source link
