[ad_1]
कार कालव्यात कोसळल्याने एकाच कुटुंबातील ७ जण ठार
हरयाणातील कैथल जिल्ह्यात कार कालव्यात कोसळून एकाच कुटुंबातील सात जणांचा मृत्यू झाला. मृतांमध्ये तीन महिला आणि चार मुलींचा समावेश आहे. या कारमध्ये एकाच कुटुंबातील आठ सदस्यांसह नऊ जण होते. दसऱ्याला झालेल्या बाबा राजपुरी मेळाव्यासाठी ते निघाले होते. पोलिसांनी दिलेल्या माहितीनुसार, चालकाचे वाहनावरील नियंत्रण सुटले आणि गाडी मुंद्री गावाजवळ कालव्यात कोसळली. चालकाला वाचवण्यात यश आले. मात्र, कारमधील इतर सात जण पाण्यात बुडाले. कोमल नावाची १२ वर्षांची मुलगी बेपत्ता असून तिचा शोध घेण्याचे प्रयत्न सुरू आहेत. मृतांमध्ये सतविंदर (वय, ५०), चमेली (वय, ६५), तीजो (वय, ४५), फिजा (वय, १६), वंदना (वय, १०), रिया (वय, १०) आणि रमणदीप (वय, ६) यांचा समावेश आहे. हे सर्व जण कॅथलमधील डीग गावचे रहिवासी होते.
[ad_2]
Source link
