केंद्र सरकारच्या नव्या मोटर वाहन कायद्यांविरोधात संपावर गेलेल्या मोटर ट्रान्सपोर्ट संघटनेच्या पदाधिकाऱ्यांची केंद्रीय गृह सचिव अजय भल्ला यांच्यासोबत महत्वाचीबैठक पार पडली. नवीन कायद्यातील हिट अँड रन साठी कठोर शिक्षेला ऑल इंडिया मोटर ट्रान्सपोर्ट काँग्रेस विरोध करत आहेत. ट्रक चालकांच्या विरोधानंतर केंद्र सरकारने या कायद्याच्या अंमलबजावणीला स्थगिती दिली आहे. यानंतर ट्रक चालकांनी आपला संप मागे घेतला आहे. यामुळे उद्यापासून पेट्रोल-डिझेलसह सर्व मालाची वाहतूक सुरुळीत होणार आहे.
