सोशल मीडियावर हार्दिक पांड्या ट्रेंड करत आहेत. काही नेटकऱ्यांनी हार्दिक पांड्याला ट्रोल केलेय, तर काहींनी लाईक्स अन् कमेंट्सचा वर्षाव केला.
भारताचा स्टार अष्टपैलू हार्दिक पांड्या (Hardik Pandya) दुखापतीमुळे संघाबाहेर आहे. ब्रेकवर असणारा हार्दिक पांड्या नुकताच गृहमंत्री अमित शाह (Amit Shah) यांच्यासोबत स्पॉट झाला. क्रिकेटच्या मैदानात अमित शाह आणि हार्दिक पांड्या यांची भेट झाली. याबाबत सोशल मीडियावर जोरदार चर्चा सुरु आहे. गृहमंत्री अमित शाह यांनीही एक्स (ट्विटर) वर हार्दिक पांड्यासोबतचे फोटो पोस्ट केले आहेत. हार्दिक पांड्या आणि अमित शाह यांची गांधीनगरमध्ये भेट झाली. याचे फोटो सोशल मीडियावर व्हायरल झाले आहेत. सोशल मीडियावर हार्दिक पांड्या ट्रेंड करत आहेत. काही नेटकऱ्यांनी हार्दिक पांड्याला ट्रोल केलेय, तर काहींनी लाईक्स अन् कमेंट्सचा वर्षाव केला.
हार्दिक पांड्या आणि अमित शाह यांची भेट का?
गुजरातची राजधानी गांधी नगरमध्ये क्रिकेट लीग स्पर्धेचे उद्घाटन करण्यात आले. यावेळी केंद्रीय मंत्री अमित शाह आणि अष्टपैलू हार्दिक पांड्या उपस्थित होते. त्यावेळी दोघांची भेट झाली. यावेळी बीसीसीआयचे सचिव जय शाह हेही उपस्थित होते. अमित शाह यांनी या प्रसंगाचे फोटो ट्वीट केले आहेत. त्याशिवाय हार्दिक पांड्याने इन्स्ट्रग्रामवर स्टोरी पोस्ट केली आहे.
