Mumbai GBS Update : राज्यात गुलेन बॅरे सिंड्रोम (जीबीएस)चा कहर सुरूच आहे. आता मुंबईत हा आजार पसरत असून या आजाराने ग्रस्त असलेल्या ५३ वर्षीय रुग्णाचा बुधवारी मुंबईत मृत्यू झाला. जीबीएसमुळे मृत्यू झालेला हा मुंबईतील पाहिला तर राज्यातील आठवा मृत्यू आहे, अशी माहिती बृहन्मुंबई महानगरपालिकेचे आयुक्त भूषण गगराणी यांनी दिली. यापूर्वी मंगळवारी पुण्यातील ३७ वर्षीय वाहनचालकाचाही जीबीएसमुळे मृत्यू झाला होता.
