EPFO Latest Reforms: जर तुम्हालाही EPF पासबुक पोर्टलवर लॉग इन करण्यात समस्या येत असतील तर ही बातमी तुमच्यासाठी आहे. आता कोट्यवधी सदस्यांना भविष्य निर्वाह निधीमध्ये उद्भवणाऱ्या समस्यांबद्दल काळजी करण्याची गरज नाही. आता तुम्ही कर्मचारी भविष्य निर्वाह निधी संघटनेच्या (EPFO) एसएमएस आणि मिस्ड कॉल सेवेद्वारे देखील पीएफ शिल्लक तपासू शकता.
ईपीएफ पासबुक पोर्टल हे सामान्यतः पीएफ शिल्लक आणि व्यवहार तपशील पाहण्यासाठी यूजर फ्रेण्डली प्लॅटफॉर्म आहे. पण कधीकधी वेबसाइटवर जास्त ट्रॅफिक, पोर्टल मेंटेनन्स, लॉगिन समस्या किंवा अपूर्ण केवायसीमुळे समस्या उद्भवतात. अशावेळी तुम्ही एसएमएस किंवा मिस्ड कॉल सुविधेचा वापर करून तुमचे पीएफ तपशील सहजपणे जाणून घेऊ शकता.
इंटरनेटशिवायही तपासा पीएफ बॅलन्स
एसएमएस सेवेद्वारे-
या सुविधेचा लाभ घेण्यासाठी सर्वप्रथम तुमचा UAN सक्रिय आहे का ते पाहा. यूएएन तुमच्या आधार, पॅन आणि बँक तपशीलांशी जोडलाय याची खात्री करावी लागेल. यानंतर तुमच्या नोंदणीकृत मोबाईल नंबरवरून ७७३८२९९८९९ वर EPFOHO UAN ENG मेसेज पाठवा. इतर भाषांमधील माहितीसाठी तुम्ही ENG चा भाषा कोड टाकू शकता. हिंदीसाठी HIN आणि तमिळसाठी TAM प्रमाणे. ही सेवा इंग्रजी, हिंदी, तमिळ आणि बंगालीसह 10 भाषांमध्ये उपलब्ध आहे.
मिस्ड कॉल सेवा
जर तुमचा UAN सक्रिय असेल आणि KYC पूर्णपणे अपडेट केलेले असेल, तर तुम्ही तुमच्या नोंदणीकृत मोबाइल नंबरवरून ०११-२२९०१४०६ वर मिस्ड कॉल देऊन देखील माहिती मिळवू शकता. जेव्हा तुम्ही या नंबरवर कॉल कराल, तेव्हा दोन रिंग वाजल्यानंतर कॉल आपोआप डिस्कनेक्ट होईल आणि तुम्हाला तुमच्या मोबाईलवर तुमचा पीएफ बॅलन्स दर्शविणारा एसएमएस लगेच येईल.
अनेक अपडेट
कर्मचारी भविष्य निर्वाह निधी संघटनेने (EPFO) देशातील ७ कोटींहून अधिक संघटित क्षेत्रातील कर्मचाऱ्यांना लक्षात घेऊन अनेक मोठ्या सुधारणांची घोषणा केली आहे. डिजिटल सेवा सुलभ करणे, पारदर्शकता वाढवणे आणि प्रक्रिया वेगवान करणे हे त्याचे उद्दिष्ट आहे. आज आम्ही तुम्हाला सोप्या भाषेत ५ मोठ्या बदलांबद्दल सांगणार आहोत.
तुमचे प्रोफाइल अपडेट करणे झाले सोपे
जर तुमचा UAN आधारशी लिंक असेल तर तुम्ही आता कोणतेही कागदपत्र अपलोड न करता तुमचे नाव, जन्मतारीख आणि राष्ट्रीयत्व यासारखे तपशील ऑनलाइन अपडेट करू शकता. असे असले तरी ऑक्टोबर २०१७ पूर्वी तयार केलेल्या UAN धारकांना काही प्रकरणांमध्ये नियोक्त्याच्या मंजुरीची आवश्यकता असू शकते.
आता पीएफ ट्रान्सफरसाठी नियोक्त्याच्या परवानगीची आवश्यकता नाही
१५ जानेवारी २०२५ पासून, नोकरी बदलल्यावर पीएफ हस्तांतरणाची प्रक्रिया सोपी करण्यात आली आहे. आता बहुतेक प्रकरणांमध्ये, नियोक्त्याच्या मंजुरीची आवश्यकता राहणार नाही. ज्यामुळे हस्तांतरण जलद आणि त्रासमुक्त होईल. तसेच संयुक्त घोषणापत्राची प्रक्रिया देखील डिजिटल करण्यात आलीय.
केंद्रीकृत पेन्शन पेमेंट सिस्टम (CPPS) ची सुरुवात
ही नवीन प्रणाली १ जानेवारी २०२५ पासून लागू झाली आहे. ज्यामध्ये पेन्शन NPCI प्लॅटफॉर्मद्वारे थेट बँक खात्यात पाठवले जाईल. यापूर्वी पेन्शन पेमेंट ऑर्डर (पीपीओ) वेगवेगळ्या प्रादेशिक कार्यालयांना पाठवले जात होते, ज्यामुळे विलंब होत असे.
जास्त पगार असलेल्यांसाठी पर्याय
जर तुमचा पगार निर्धारित मर्यादेपेक्षा जास्त असेल तर तुम्ही अतिरिक्त योगदान देऊन जास्त पेन्शनसाठी अर्ज करू शकता. ईपीएफओने आता ही प्रक्रिया स्पष्ट आणि एकसमान केली आहे. ज्यामुळे प्रत्येकाला त्यांच्या पेन्शन अधिकारांबद्दल योग्य माहिती मिळू शकणार आहे.
खासगी ट्रस्टदेखील आता ईपीएफओ सारख्या नियमांच्या कक्षेत
खासगी ट्रस्ट ईपीएफओच्या कक्षेत नाहीत त्यांनी देखील ईपीएफओमध्ये लागू असलेल्या पेन्शनशी संबंधित प्रक्रियांचे पालन करावे, असे निर्देश ईपीएफओने दिले आहेत. यामुळे देशभरात पेन्शन व्यवस्थापन प्रक्रिया एकसमान होऊन गोंधळात टाकणाऱ्या नियमांपासून मुक्तता मिळणार आहे.
