फलटण: फलटणकरांसाठी एक अद्भुत आध्यात्मिक योग साधला गेला आहे. आर्ट ऑफ लिव्हिंगच्या वतीने टीओके हॉलमध्ये आयोजित कार्यक्रमात सर्वसामान्य जनतेला ओरिजनल सोमनाथ ज्योतिर्लिंगाचे दर्शन घेण्याची संधी मिळाली.
या कार्यक्रमाला फलटण-कोरेगाव विधानसभा मतदारसंघाचे आमदार सचिन सुधाकर पाटील उपस्थित होते. त्यांनी भक्तिभावाने ज्योतिर्लिंगाचे दर्शन घेतले व मतदारसंघातील नागरिकांवर कोणत्याही संकटाची छाया येऊ नये, यासाठी प्रार्थना केली.
या वेळी बोलताना आमदार सचिन पाटील म्हणाले, “ही एक विलक्षण आध्यात्मिक संधी आहे. फलटणच्या जनतेने या ज्योतिर्लिंगाचे दर्शन घेऊन सकारात्मक ऊर्जा मिळवावी. येथे आल्यावर अध्यात्मिक शांती आणि ऊर्जा मिळते, हे मी स्वतः अनुभवलं आहे.”
कार्यक्रमादरम्यान अनेक भाविकांनी दर्शनाचा लाभ घेतला. या आध्यात्मिक सोहळ्यामुळे फलटणमध्ये भक्तिमय वातावरण निर्माण झाले होते.
