बॉलिवूड अभिनेत्री अनुष्का शर्मा यावर्षी कान्स फिल्म फेस्टिव्हलमध्ये पदार्पण करणार आहे. या महोत्सवातील एका भव्यदिव्य कार्यक्रमात अनुष्का सहभागी होणार आहे. या कार्यक्रमामध्ये चित्रपटसृष्टीतील महिलांचा गौरव केला जाणार आहे. या कार्यक्रमात अभिनेत्रीसोबत हॉलिवूडची प्रसिद्ध अभिनेत्री केट विन्सलेट देखील सहभागी होणार आहे. अनुष्का शर्मा व्यतिरिक्त, माजी मिस वर्ल्ड आणि अभिनेत्री मानुषी छिल्लर देखील यावेळी कान्सच्या रेड कार्पेटवर जलवा दाखवताना दिसणार आहे. या कार्यक्रमात मानुषी अभिनेत्री अनुष्कासोबत दिसणार असल्याचे बोलले जात आहे.
