[ad_1]
Maharashtra Cabinet Expansion : राष्ट्रवादीचे नेते अजित पवार यांच्यासह पक्षातील आठ आमदारांनी शिंदे-फडणवीस सरकारमध्ये सामील होत मंत्रीपदाची शपथ घेतली आहे. त्यानंतर शुक्रवारी राष्ट्रवादीच्या नव्या मंत्र्यांना खातेवाटप जाहीर करण्यात आलं आहे. भाजपच्या सहा आणि शिंदे गटाच्या तीन विद्यमान मंत्र्यांकडील खाती राष्ट्रवादीच्या नव्या मंत्र्यांना देण्यात आली आहे. शिंदे-फडणवीस सरकारच्या तिसऱ्या मंत्रिमंडळ विस्तारातून शिंदे गटाला प्रचंड अपेक्षा होत्या. मात्र शपथविधी केवळ राष्ट्रवादीच्याच नेत्यांचा झाला. त्यामुळं भाजपसह शिंदे गटाचे अनेक आमदार नाराज असल्याची चर्चा सुरू झाली आहे. शिंदे गटाचे आमदार भारत गोगावले, उदय सामंत आणि संजय शिरसाट यांनी नाराजी बोलून दाखवली आहे. तसेच मंत्री अब्दुल सत्तार यांच्याकडील कृषी खातं गेल्याने ते देखील नाराज असल्याची चर्चा आहे.
[ad_2]
Source link
