Bhandara: परीक्षेत पास करण्याचे आमिष दाखवून विद्यार्थिनींकडे शरीरसुखाची मागणी, भंडाऱ्यातील संतापजनक प्रकार!

Bhandara News: राज्यात महिला आणि अल्पवयीन मुलीवर होणाऱ्या अत्याचाराच्या संख्येत लक्षणीय वाढ झाली आहे. अशातच भंडारा जिल्ह्यातून धक्कादायक माहिती समोर आली आहे. परीक्षेत पास करण्याचे आमिष दाखवून विद्यार्थिनीकडे शरीरसुखाची मागणी करण्यात आल्याचा धक्कादायक प्रकार उघडकीस आला. यानंतर संबंधित विद्यार्थिनींच्या पालकांनी जाब विचारून कॉलेजच्या प्राचार्याला चांगलाच चोप दिला. हा प्रकार भंडाऱ्यातील शासकीय नर्सिंग कॉलेजमध्ये आज घडला.