फलटण – कोरेगाव विधानसभा मतदारसंघाचे नवनिर्वाचित आमदार सचिन सुधाकर पाटील यांना “शांत, संयमी पण तडफदार नेतृत्व” म्हणून ओळखले जाते. त्यांच्या वाढदिवसानिमित्त राष्ट्रवादी काँग्रेस पक्षाचे राष्ट्रीय अध्यक्ष तथा उपमुख्यमंत्री अजितदादा पवार यांनी विशेष शुभेच्छा दिल्या.
मुंबई येथील देवगिरी निवासस्थानी राष्ट्रवादी काँग्रेस पक्षाच्या पदाधिकाऱ्यांच्या उपस्थितीत आमदार पाटील यांचा वाढदिवस उत्साहात साजरा करण्यात आला. केक कापून वाढदिवस साजरा करताना ना. अजितदादा पवार यांनी त्यांना दीर्घायुष्याच्या शुभेच्छा देत, फलटण – कोरेगाव मतदारसंघातील जनतेच्या अपेक्षा पूर्ण करण्याचे आवाहन केले.
या प्रसंगी कृषी मंत्री माणिकराव कोकाटे, राज्यमंत्री इंद्रीजीत नाईक, आमदार सना मलिक, माजी खासदार आनंद परांजपे, युवक प्रदेशाध्यक्ष सुरज चव्हाण यांच्यासह अनेक मान्यवर उपस्थित होते. आमदार पाटील यांचे कार्यकर्ते म्हणून घडणे लोकनेते स्व. हिंदुरावजी नाईक निंबाळकर यांच्या मार्गदर्शनाखाली झाले असून, त्यांच्या नेतृत्वामुळे मतदारसंघाच्या विकासाच्या दिशेने ठोस पावले उचलली जाणार असल्याचा विश्वास उपस्थितांनी व्यक्त केला.
