कोरोना विषाणू नैसर्गिक नव्हता, प्रयोगशाळेतून लीक झाला होता; ट्रम्प सत्तेवर येताच CIA चा चीनवर निशाणा

डोनाल्ड ट्रम्प येताच अमेरिकन सरकारने आपली जुनी वृत्ती दाखवण्यास सुरुवात केली आहे. अमेरिकेची गुप्तचर संस्था सीआयएने मोठा दावा केला आहे की, कोरोना विषाणू नैसर्गिक नव्हता तर याची उत्पत्ती प्रयोगशाळेतून झाली आहे. आपल्या पहिल्या कार्यकाळातही ट्रम्प यांनी कोरोना व्हायरसला ‘चायनीज व्हायरस’ म्हणत शी जिनपिंग सरकारवर हल्ला चढवला होता. अमेरिकेचा हा नवा दावाही महत्त्वाचा आहे कारण लॉकडाऊन, आर्थिक संकट आणि लाखो लोकांच्या मृत्यूला जबाबदार असलेल्या या विषाणूच्या उत्पत्तीचा प्रश्न जागतिक स्तरावर मोठा प्रश्न आहे. चीनने अमेरिकेचा हा अहवाल राजकीय हेतूने प्रेरित असल्याचे म्हटले आहे.