Mumbai Scam News: मुंबईतील टोरेस घोटाळ्याचा तपास मुंबई पोलिसांच्या आर्थिक गुन्हे शाखेकडून सुरु करण्यात आला आहे. टोरेसची सर्व कार्यालयं सील करण्यात आली आहेत. तर, टोरेसची तीन बँक खाती देखील गोठवण्यात आली आहेत. मात्र, या तपासादरम्यान अत्यंत धक्कादायक माहिती समोर आली आहे. टोरेसने डायमंडच्या नावाखाली मोइसॅनाइटच्या खड्यांची विक्री करून आपल्या गुंतवणूकदारांची फसवणूक केली. भारतीय बाजारात या खड्यांची किंमत ३०० रुपये असून ती गुंतवणूकदारांना ४२ ते ५० हजार रुपयांना विकले गेले, अशी माहिती ईओडब्ल्यूचे डीसीपी संग्राम सिंह निशाणदार यांनी सांगितले.
