—
फलटण :- फलटण तालुक्यातील तलाठी कार्यालयातील महसूल सेवक (कोतवाल) दीपक दौलतराव उदंडे (वय 49, रा. कसबा पेठ, फलटण) याला लाचलुचपत प्रतिबंधक विभागाने 500 रुपयांची लाच घेताना रंगेहाथ पकडले.
तक्रारदाराच्या पत्नीच्या नावावर दीड गुंठे जागेसह खरेदी केलेल्या घराची सातबारा उताऱ्यावर नोंद घेण्यासाठी उदंडे याने 1,000 रुपयांची लाच मागितली होती. तडजोडीनंतर 500 रुपयांवर व्यवहार निश्चित झाला. लाच स्वीकारताना उदंडे याला अटक करण्यात आली.
सदर प्रकरणी फलटण शहर पोलीस ठाण्यात गुन्हा दाखल करण्यात आला असून पुढील तपास लाचलुचपत प्रतिबंधक विभाग सातारा करत आहे.
कारवाईत सहभागी अधिकारी:
शिरीष सरदेशपांडे (पोलीस अधीक्षक, ला.प्र.वि. पुणे परिक्षेत्र), विजय चौधरी (अपर पोलीस अधीक्षक, ला.प्र.वि. पुणे), आणि राजेश वसंत वाघमारे (पोलीस उपअधीक्षक, लाचलुचपत प्रतिबंधक विभाग, सातारा) यांच्या मार्गदर्शनाखाली पोलीस निरीक्षक श्रीधर भोसले, पो.हवा. गोगावले, आणि पो.ना. गणेश ताटे यांनी ही यशस्वी कारवाई केली.
सार्वजनिक आवाहन:
लाच मागणीविरोधात तक्रार नोंदवण्यासाठी नागरिकांनी लाचलुचपत प्रतिबंधक विभाग, सातारा (पत्ता: सि.स. नं. 524/अ, जिल्हा कोषागार कार्यालयाजवळ, सदर बझार, सातारा) येथे संपर्क साधावा, असे आवाहन पोलीस उपअधीक्षक वसंत वाघमारे यांनी केले आहे.
—
—
