बारामती :- बारामती शहरात कोयता हातात घेऊन दहशत निर्माण करणाऱ्या चौघांवर प्रतिबंधात्मक कारवाई करत त्यांना थेट येरवडा कारागृहात रवानगी करण्यात आली आहे. बारामतीचे अप्पर पोलीस अधीक्षक गणेश बिरादार यांच्या मार्गदर्शनाखाली ही कारवाई करण्यात आली. बारामती शहर पोलीस निरीक्षक विलास नाळे यांनी या कारवाईचा प्रस्ताव पाठवून दिल्यानंतर हा निर्णय घेण्यात आला.
आरोपींची नावे व कारवाई
यश दीपक मोहिते, शुभम उर्फ बाळू काळू जगताप, आदित्य राजू मांढरे (सर्व रा. अमराई, बारामती) आणि अनिकेत केशवकुमार नामदास (रा. दीपनगर, भवानीनगर, इंदापूर) या आरोपींनी कोयता घेऊन दहशत निर्माण करण्याचा प्रयत्न केला होता. त्यांच्यावर कडक कारवाई करत येरवडा कारागृहात रवानगी करण्यात आली आहे.
टवाळखोरांना कडक इशारा
पोलिस प्रशासनाने सोशल मीडियावर शस्त्रे दाखवणारे किंवा दहशत निर्माण करणारे स्टेटस ठेवणाऱ्यांवर कठोर कारवाईचा इशारा दिला आहे. पोलिसांनी नागरिकांना आवाहन केले आहे की, अशा प्रकारची माहिती किंवा फोटो मिळाल्यास शक्ती क्रमांक 9209394917 वर पाठवावे. माहिती देणाऱ्यांचे नाव गोपनीय ठेवण्यात येईल.
नागरिकांचे सहकार्य आवश्यक
जागरूक नागरिक, पालक, शिक्षकांनी शाळा-महाविद्यालय परिसरात मुलींची छेडछाड करणारे, चौकाचौकात टवाळखोरी करणारे किंवा उघड्यावर मद्यप्राशन करणाऱ्या युवकांविरोधात तक्रार देण्याचे आवाहन करण्यात आले आहे. पोलिसांनी असे प्रकार खपवून घेतले जाणार नाहीत, असे स्पष्ट केले आहे.
पोलिसांची ठाम भूमिका:
बारामती शहरात अशा प्रकारच्या टवाळखोरांवर ही पहिलीच मोठी कारवाई आहे. त्यामुळे भविष्यात अशा घटना घडू नयेत यासाठी पोलिसांनी कडक भूमिका घेतली आहे.
संपर्कासाठी:
शक्ती क्रमांक: 9209394917
पोलीस निरीक्षक: विलास नाळे
