कोवीड लसीमुळे अचानक होतोय तरुणांचा मृत्यू? सरकारने संसदेत स्पष्टच म्हटलं…

JP Nadda On Covid Vaccine:  केंद्रीय आरोग्य मंत्री जेपी नड्डा यांनी 10 डिसेंबर रोजी राज्यसभेत सांगितले की, भारतीय वैद्यकीय संशोधन परिषदेने (ICMR) केलेल्या अभ्यासातून हे सिद्ध झाले आहे की, कोविड लसीमुळे भारतातील तरुणमध्ये अचानक मृत्यूचा धोका वाढला नाही, उलट त्याची भीती कमी झाली आहे. एका प्रश्नाच्या लेखी उत्तरात त्यांनी ही माहिती वरिष्ठ सभागृहाला दिली.

तरुणांमध्ये मृत्यूचे कारण

जेपी नड्डा म्हणाले की, कोरोनाव्हायरस साथीच्या आजारामुळे, पूर्वीच्या हॉस्पिटलायझेशनमुळे, अचानक मृत्यूचा कौटुंबिक इतिहास आणि काही जीवनशैलीमुळे मृत्यूचा धोका वाढतो. नड्डा म्हणाले की, भारतीय वैद्यकीय संशोधन परिषदेने गेल्या वर्षी मे-ऑगस्ट दरम्यान 19 राज्ये आणि केंद्रशासित प्रदेशांमधील 47 रुग्णालयांमध्ये अभ्यास केला होता. त्यांनी सांगितलं की, या विश्लेषणात एकूण 729 आकस्मिक मृत्यूची प्रकरणे आणि 2916 समाविष्ट आहेत. असे आढळून आले की, कोरोनाव्हायरस लसीचा कोणताही डोस घेतल्याने अस्पष्ट अचानक मृत्यूचा धोका कमी होतो. कोविड-19 लसीचे दोन डोस घेतल्याने अशा मृत्यूचा धोक्याची शंका कमी झाली आहे. 

ही औषधे ठरली फेल 

आरोग्य राज्यमंत्री अनुप्रिया पटेल यांनी लिहिलेल्या उत्तरात म्हटलं आहे की, हिंदुस्तान एँटीबायोटिक लिमिटेड आणि कर्नाटक एँटीबायोटिक ऍण्ड फार्मास्युटिकल्स लिमिटेड द्वारे तयार केलेल्या क्रमश: मेट्रोनिडाजोल 400 मिलीग्राम आणि पॅरासिटामोल 500 मिलीग्रामच्या गोळ्यांमध्ये एका खास बॅचमध्ये परीक्षणा दरम्यान ”मानक गुणवत्ते” शिवाय सापडले. 

अनुप्रिया पटेल यांनी सांगितले की, फार्मास्युटिकल विभागाकडून मिळालेल्या माहितीनुसार, हिंदुस्तान अँटिबायोटिक्स लिमिटेड आणि कर्नाटक अँटीबायोटिक्स आणि फार्मास्युटिकल्स लिमिटेड या दोन्ही कंपन्यांनी “नॉन-स्टँडर्ड क्वालिटी” (NSQ) स्टॉक मागे घेतला आहे आणि त्याच्या जागी नवीन स्टॉक पाठवला आहे.