Ajit Pawar News : भारतीय जनता पक्षाच्या महायुती सरकारमध्ये दुसऱ्यांदा उपमुख्यमंत्रीपदाची शपथ घेणारे राष्ट्रवादी काँग्रेसचे नेते अजित पवार यांना मोठा दिलासा मिळाला आहे. प्राप्तिकर विभागानं २०२१ मध्ये जप्त केलेली त्यांची १ हजार कोटींहून अधिक किमतीची मालमत्ता मुक्त केली आहे. बेनामी मालमत्ता व्यवहार प्रतिबंधक अपीलीय न्यायाधिकरणानं अजित पवार व त्यांच्या कुटुंबीयांवरील आरोप फेटाळल्यानंतर इन्कम टॅक्सनं हा निर्णय घेतला आहे.
