Supriya Sule News: राष्ट्रवादी काँग्रेस पक्षाच्या नेत्या आणि लोकसभा खासदार सुप्रिया सुळे यांनी माजी आयपीएस अधिकारी रवींद्रनाथ पाटील आणि गौरव मेहता यांच्या विरोधात निवडणूक आयोगाला पत्र पाठवले आहे. सुप्रिया सुळे आणि काँग्रेस नेते नाना पटोले यांनी २०१८ मध्ये बिटकॉइन गैरव्यवहार केला आणि तो पैसा यंदाच्या निवडणुकीत वापरत असल्याचा आयपीएस अधिकाऱ्यांनी आरोप केला. दरम्यान, सुप्रिया सुळे यांच्या विरोधात खोटी माहिती पसरवणाऱ्या पुण्याचे माजी आयपीएस अधिकारी रवींद्रनाथ पाटील आणि गौरव मेहता यांच्या विरोधात सायबर फसवणुकीची तक्रार तात्काळ दाखल करण्यात यावी, अशी मागणी त्यांच्या वकीलांनी केली.
