प्रसिद्ध गायिका शारदा सिन्हा यांची प्रकृती खालावली असल्याची माहिती समोर आली आहे. त्यांना वेंटिलेटरवर ठेवण्यात आले आहे. काही दिवसांपूर्वी शारदा यांचे पती बृजकिशोर सिन्हा यांचे निधन झाले होते. त्यानंतर शारदा यांना मोठा धक्का बसला. शारदा यांना बरेच दिवस दिल्लीमधील एम्स हॉस्पिटलमध्ये ठेवण्यात आले आहे. शारदा यांचा मुलगा अंशुमनने व्हिडीओ शेअर करत आईच्या प्रकृतीविषयी माहिती दिली आहे. तसेच चाहत्यांना विनंती केली आहे की शारदा लवकरात लवकर बऱ्या व्हाव्या म्हणून देवाकडे प्रार्थना करा.
