Vanraj Andekar murder Pune : पुण्यात गुन्हेगारीने कळस गाठला आहे. खून, दरोडे, बलात्कार, टोळी युद्ध या सारख्या घटना वाढल्या आहेत. त्यामुळे पुणे नगरी आता गुन्हेनगरी म्हणून ओळखू लागली आहे. पुण्यात रविवारी रात्री ८.३० च्या सुमारास नाना पेठे येथे राष्ट्रवादीचे माजी नगरसेवक वनराज आंदेकर यांच्यावर काही जणांनी पिस्तुलातून गोळीबार केला. यानंतर त्यांच्यावर कोयत्याने देखील हल्ला केला. या घटनेत गंभीर जखमी झालेल्या आंदेकर यांना केईएम रुग्णालयात भरती करण्यात आले. मात्र, उपचार सुरू असतांना त्याचा मृत्यू झाला. पुण्याच्या मध्यवस्तीत गणेशोत्सवाच्या काही दिवसांपूर्वी माजी नगरसेवकाची गोळीबार करून हत्या करण्यात आल्याने खळबळ उडाली आहे.
