केंद्रीय निवडणूक आयोगाने जम्मू काश्मीर विधानसभेच्या निवडणुका जाहीर केल्या असून झाल्या तीन टप्प्यात निवडणुका होणार आहेत. राज्यातील सर्वच पक्षांनी निवडणुकीची तयारी सुरू केली असून पीडीपीने आघाडी घेतली आहे. माजी मुख्यमंत्री पीडीपी प्रमुख मेहबूबा मुफ्ती यांनी आपल्या पक्षाच्या उमेदवारांची पहिली यादी जाहीर केली आहे. विशेष म्हणजे या यादीत त्यांच्या मुलीला देखील उमेदवारी देण्यात आली आहे. इल्तिजा मुफ्ती असे त्यांच्या मुलीचे नाव असून या निवडणुकीच्या माध्यमातून इल्तिजा राजकारणात पाऊल ठेवणार आहे. इल्तिजाला दक्षिण काश्मीरच्या अनंतनाग जिल्ह्यातील मुफ्ती कुटुंबाचा बालेकिल्ला असलेल्या बिजबेहारा येथून निवडणूक लढणार आहे.
