मिहिर शहाचे वडील राजेश शहाची पक्षातून हकालपट्टी
दक्षिण-मध्य मुंबईतील वरळी परिसरात रविवारी सकाळी मीहिर शहा यांच्या बीएमडब्ल्यू कारने प्रदीप नाखवा यांच्या दुचाकीला धडक दिली. या धडकेत प्रदीप यांच्या पत्नी कावेरी नाखवा यांचा मृत्यू झाला. दरम्यान, मुख्यमंत्री एकनाथ शिंदे यांनी मिहिर शहा यांचे वडील राजेश शहा यांची पक्षाच्या उपनेतेपदावरून हकालपट्टी केली आहे. कार अपघातानंतर मिहीर शहा पळून गेल्याचे पोलिसांनी सांगितल्यानंतर ही कारवाई करण्यात आली. एकनाथ शिंदे म्हणाले की, दोषींना सोडले जाणार नाही. सरकार अपघातग्रस्तांच्या पाठीशी उभे आहे, असेही ते म्हणाले.
