तीन सदस्यीय चौकशी समिती स्थापन
डॉ. भगवान पवार हे जिल्हा परिषदेचे आरोग्य अधिकारी असतांना त्यांच्याविरुद्ध कंत्राटी महिलांच्या लैंगिक शोषणाच्या तक्रारी तसेच अनियमित कामकाज, अधिकारी आणि कर्मचाऱ्यांसोबत अरेरावी, मानसिक व आर्थिक त्रास देणे, आर्थिक घोटाळ्याचे गंभीर आरोप करण्यात आले होते. या प्रकरणी आरोग्य सेवा आयुक्तालयाने भगवान पवार यांच्या विरोधात २९ एप्रिल रोजी तीन सदस्यीय चौकशी समिती स्थापन केली होती. तक्रारीचे स्वरूप गंभीर असल्याने त्यांची निष्पक्ष चौकशी करण्यासाठी निलंबन गरजेचे आहे, अशी शिफारस समितीने केली. त्यानुसार त्यांची बदली करण्यात आली व निलंबन करण्यात आले.
