रुग्णालयाच्या तीन मजली इमारतीला आग लागल्याने बंगळुरूजवळील राजनकुंटे येथील खासगी रुग्णालयात दाखल असलेल्या 16 रुग्णांना हलविण्यात आले आहे. या घटनेत कोणीही जखमी झाले नाही. रुग्णालयात आग लागल्याची माहिती अग्निशमन विभागाने दिली.
बंगळुरू : रुग्णालयाच्या तीन मजली इमारतीला आग लागल्याने बंगळुरूजवळील राजनकुंटे येथील खासगी रुग्णालयात दाखल असलेल्या 16 रुग्णांना हलविण्यात आले आहे. या घटनेत कोणीही जखमी झाले नाही. रुग्णालयात आग लागल्याची माहिती अग्निशमन विभागाने दिली. यानंतर आगीवर नियंत्रण मिळवण्यासाठी अग्निशमन दलाच्या सहा गाड्या तैनात करण्यात आल्या. 50 खाटांच्या खाजगी रुग्णालयाच्या तळघरातील प्रयोगशाळेत ही आग लागल्याचे विभागाने सांगितले.
आग इमारतीच्या तळमजला आणि वरच्या तीन मजल्यापर्यंत पसरली नसली तरी संपूर्ण रुग्णालय धुराच्या लोटाने वेढले होते. या घटनेमुळे रूग्ण, कर्मचारी आणि रूग्णालयात दाखल झालेल्या रूग्णात भीतीचे वातावरण निर्माण झाले. रुग्णालयात दाखल एकूण 16 रुग्णांपैकी दोन आयसीयूमध्ये होते. त्यांना तातडीने जवळच्या रुग्णालयात हलविण्यात आले.
