अकलूज: माढा लोकसभेसाठी भाजपच्या विरोधात राष्ट्रवादी शरद पवार गटाकडून धैर्यशील मोहिते-पाटील यांनी कोणतेही शक्तिप्रदर्शन न करता उमेदवारी अर्ज दाखल केला. याचवेळी त्यांचे चुलते, ज्येष्ठ नेते विजयसिंह मोहिते-पाटील यांनी पूरक अर्ज दाखल केला.
एकीकडे भाजपच्या उमेदवारांनी प्रचंड शक्तिप्रदर्शन करीत उमेदवारी अर्ज दाखल करताना त्यांना उपमुख्यमंत्री देवेंद्र फडणवीस यांच्या जाहीर सभेची जोड मिळाली असताना दुसरीकडे भाजपला जोरदार झटका देत राष्ट्रवादी शरद पवार गटाची ‘तुतारी’ हाती घेऊन धैर्यशील मोहिते-पाटील यांनी उमेदवारी अर्ज दाखल करताना शक्तिप्रदर्शन टाळले. आपले शक्तिप्रदर्शन ४ जून रोजी विजयोत्सवातून शक्तिप्रदर्शन होणार असल्याचे त्यांनी आत्मविश्वासाने सांगितले.
धैर्यशील मोहिते-पाटील यांनी निवडणूक अधिकारी तथा अपर जिल्हाधिकारी मोनिकासिंह ठाकूर यांच्याकडे उमेदवारी अर्ज दाखल करताना त्यांच्या सोबत करमाळ्याचे माजी आमदार नारायण पाटील, शीतलदेवी मोहिते-पाटील, काँग्रेसचेजिल्हा कार्याध्यक्ष सुरेश हसापुरे आदी हजर होते.
माढा लोकसभा मतदारसंघाचे महाविकास आघाडीचे उमेदवार शरद पवार गटाचे उमेदवार धैर्यशील राजसिंह मोहिते पाटील यांच्या प्रचाराचा शुभारंभ अकलूज येथील शिव रत्न बंगल्यात रामराजे नाईक निंबाळकर यांचे बंधू रघुनाथ राजे निंबाळकर यांच्या हस्ते श्रीफळ वाढवून करण्यात आला त्यावेळी श्रीफळ उभा फुटलां त्यावेळी जयसिंह मोहिते पाटील उमेदवार धैर्यशील मोहिते पाटील विठ्ठल कारखान्याचे चेअरमन अभिजीत पाटील, नंदिनी देवी मोहिते पाटील शितल देवी मोहिते पाटील नारायण पाटील आधी उपस्थित
उमेदवारी दाखल करण्यासाठी सोलापुरात दाखल झाल्यानंतर धैर्यशील मोहिते-पाटील यांना सोबत घेऊन ज्येष्ठ नेते विजयसिंह मोहिते-पाटील व त्यांचे बंधू जयसिंह मोहिते-पाटील यांनी सात रस्त्यावर काँग्रेसचे ज्येष्ठ नेते सुशीलकुमार शिंदे यांच्या जनवात्सल्य निवासस्थानी जाऊन त्यांची भेट घेतली. याशिवाय रेल्वे लाईन भागात सिध्देश्वर सहकारी साखर कारखान्यात निवडणूक सिध्देश्वर देवस्थान व अन्य मोठ्या संस्थांशी संबंधि, क्विझ बडे प्रस्थ समजले जाणारे धर्मराज काडादी यांच्या गंगा निवास’मध्ये जाऊन त्यांचीही भेट घेतली. सुशीलकुमार शिंदे व काडादी यांच्याशी मोहिते-पाटील यांची लोकसभा निवडणुकीच्या अनुषंगाने खलबते झाली.
