Sion ROB Shut Down On March 28: मुंबईतील सायन रोड ओव्हर ब्रिज तोडण्याचा कामाला अखेर मुहूर्त सापडला. मुंबईतील पूर्व आणि पश्चिम उपनगरांना जोडणारा सायन रोड ओव्हरब्रिज ११२ वर्षे जुना आहे. जानेवारी महिन्यातच हा पूल पाडण्यात येणार होता. परंतु, स्थानिक लोक आणि राजकीय नेत्यांच्या हस्तक्षेपामुळे या कामाला विलंब झाला. आता हा पूल २८ मार्चच्या मध्यरात्रीपासून बंद करण्याचा निर्णय घेण्यात आला आहे. पुनर्बांधणीच्या कामासाठी हा पूल दोन वर्षांसाठी बंद ठेवला जाणार आहे.
