नाशिकहून मुंबईला परतत असताना ठाणे-मुलुंड टोलनाक्यावर मोठी वाहतूक कोंडी झाली होती. दरम्यान, मनसे नेते राज ठाकरेही तेथून जात होते. वाहनांच्या लांबच लांब रांगा पाहून राज ठाकरे संतापले. त्यांनी स्वत: गाडीतून खाली उतरत टोल नाक्यावरील कर्मचाऱ्यांना सुनावले. हा संपूर्ण प्रकार शुक्रवारी संध्याकाळी ७ वाजताच्या सुमारास घडली. यावेळी राज ठाकरे यांच्यासोबत मनसेचे ज्येष्ठ नेते बाळा नांदगावकर आणि नितीन सरदेसाई उपस्थित होते.
