मुंबईत काळाचौकी परिसरातील महापालिका शाळेत सिलिंडरचे भीषण स्फोट
मुंबईतील काळाचौकी मिंट कॉलनी परिसरात असलेल्या साईबाबा पथ संकुल शाळेमध्ये सिलेंडरचा भीषण स्फोट झाला आहे. तब्बल ६ सिलेंडरचा स्फोट झाल्याची माहिती आहे. या स्फोटांमुळे भीषण आग लागली आहे. आगीचे लोळ दुरुवरून दिसत आहेत. या घटनेची माहिती मिळताच घटनास्थळी अग्निशामक दलाचे ४ बंब पोहचले असून आगीवर नियंत्रण मिळवण्यात आले आहे. दरम्यान हे स्फोट कसे झाले याची माहिती अद्याप समजू शकली नाही. दरम्यान, शाळेला सुट्टी संक्रांतीनिमित्त सुट्टी असल्याने मोठी दुर्घटना टळली.
