Deepika Padukone at Venkateswara Temple: बॉलिवूड अभिनेत्री दीपिका पदुकोण ही सध्या तिच्या आगामी ‘फायटर’ या चित्रपटामुळे सध्या प्रचंड चर्चेत आली आहे. नुकताच तिच्या चित्रपटाचं पहिलं गाणं प्रेक्षकांच्या भेटीला आलं आहे. या दरम्यान अभिनेत्री देवदर्शनात व्यस्त झाली आहे. ‘फायटर’ चित्रपट प्रदर्शनापूर्वी दीपिका भगवान वेंकटेश्वराचा आशीर्वाद घेण्यासाठी तिरुमला मंदिरात पोहोचली होती. यावेळी तिची अनीशा पदुकोण देखील तिच्यासोबत होती. या दरम्यानचे व्हिडीओ आणि फोटो आता सोशल मीडियावर व्हायरल होत आहेत. १४ डिसेंबरच्या रात्री दोन तास चालत दीपिका तिरुमला मंदिरात पोहोचली होती.
