Shah Rukh Khan at Vaishno Devi: बॉलिवूड अभिनेता शाहरुख खान मंगळवारी रात्री जम्मू-काश्मीरमधील माता वैष्णोदेवीच्या मंदिरात आशीर्वाद घेण्यासाठी पोहोचला होता. शाहरुख खान वैष्णो देवी मंदिरात मोठ्या सुरक्षेत भेट देताना दिसला. त्याचा व्हिडीओ सोशल मीडियावर व्हायरल होत आहे. यावेळी शाहरुखने कॅज्युअल पांढरा टी-शर्ट, निळा जॅकेट, डेनिम आणि शूज घातले होते. त्याला पाहून लोकांची गर्दी होऊ नये आणि यंत्रणेत कोणतीही अडचण येऊ नये, यासाठी शाहरुखने मास्क आणि हुडीने चेहरा झाकला होता. यावेळी त्याच्यासोबत बॉडीगार्ड, काही स्थानिक पोलीस आणि त्याच्या टीमचे इतर काही सदस्य होते. यावेळी शाहरुख कोणाशी बोलण्यासाठीही थांबला नाही आणि पटकन मंदिरात प्रवेश करून, दर्शन घेऊन लगबगीने तिथून निघताना दिसला.
