Shah Rukh Khan: सेटवर अपघात, शस्त्रक्रिया… अखेर सगळ्याचा सामना करून शाहरुख खान भारतात परतला! पाहा व्हिडीओ

मीडिया रिपोर्ट्सनुसार, शूटिंगदरम्यान झालेल्या अपघातामुळे शाहरुख खान जखमी झाला असून, त्याच्या नाक आणि चेहऱ्याला खूप दुखापत झाली आहे. अपघातानंतर रक्तस्त्राव थांबवण्यासाठी शाहरुखवर अमेरिकेतच एक छोटीशी शस्त्रक्रिया करण्यात आली. या दरम्यान हे वृत्त ऐकून त्याचे चाहते मात्र प्रचंड काळजीत पडले होते. आपल्या लाडक्या अभिनेत्याला बरे वाटावे म्हणून ते सतत देवाचा धावा करत होते. मात्र, आता शाहरुख खान सुखरूप भारतात परतला असून, काहीकाळ घरीच विश्रांती घेणार आहे. शाहरुख खान विमातळावर पुन्हा एकदा ‘बादशहा’ अंदाजात पाहून चाहते आनंदून गेले आहेत.