प्रथमेश लघाटेने मुग्धा वैशंपायनसोबतचा फोटो शेअर करून म्हटले की, ‘ओके! तर, तुम्ही सर्वजण आम्हा दोघांकडून बातमी किंवा घोषणेची अपेक्षा करत आहात! हेच ते!! आमचं ठरलंय!!’ या कॅप्शनसोबतच त्यांनी हॅशटॅगमध्ये ‘कपल गोल्स’ असे देखील म्हटले आहे. या फोटोत दोघांनी एकमेकांचा हात धरला असून, एकमेकांच्या डोळ्यांत बघत आहेत. दोघांचा हा सुंदर फोटो पाहून चाहते त्यांचं कौतुक करत आहेत. लिटील चॅम्प्सचं सीझन संपल्यानंतर देखील प्रथमेश आणि मुग्धा एकमेकांसोबत अनेक कार्यक्रम करताना दिसले होते. त्यामुळे त्यांच्यात काहीतरी सुरू असल्याच्या चर्चा सुरू होत्या.
