Maidaan Release Date Postponed: अभिनेता प्रभास आणि अभिनेत्री क्रिती सेननचा बहुप्रतिक्षित चित्रपट ‘आदिपुरुष’ रिलीज होण्यास अवघे काही दिवस उरले आहेत. रामायणावर बनलेला हा चित्रपट १६ जूनला प्रदर्शित होणार आहे. मात्र मोठ्या पडद्यावर येण्यापूर्वीच या चित्रपटाचा इतर चित्रपटांच्या रिलीज डेट्सवर परिणाम होऊ लागला आहे. ‘आदिपुरुष’च्या रिलीजनंतर अजय देवगणचा ‘मैदान’ हा बहुप्रतीक्षित चित्रपट २३ जून रोजी प्रदर्शित होणार होता. मात्र, आता त्याची रिलीज डेट बदलण्यात आली आहे. ‘आदिपुरुषा’च्या झंझावातापुढे आपल्या चित्रपटाने आपटू नये, यासाठी निर्मात्यांनी हा निर्णय घेतल्याचे बोलले जात आहे.
