शिवेंद्रराजे मुख्यमंत्री भेट
पाचगणी; पुढारी वृत्तसेवा सातारा जावळीचे भाजपचे आमदार शिवेंद्रराजे भोसले यांनी मुख्यमंत्री एकनाथ शिंदे यांची त्यांच्या जन्मगावी दरे तांब या गावी भेट घेतली. सातारा जिल्ह्यातल्या राजकीय वर्तुळात शिवेंद्र राजे एकनाथ शिंदे यांची भेट अत्यंत महत्त्वाची मानली जात आहे राज्यात सध्या राजकीय घडामोडींना वेग आला आहे. त्यात जिल्ह्याच्या मूळ गावी मुख्यमंत्री शिंदे आले असताना त्यांची भेट आमदार शिवेंद्रराजांनी घेतल्याने राजकीय चर्चांना आता उधाण आले आहे.
वर्ल्ड हेरिटेज कास पठारावरील 154 बांधकामांना अधिकृत करण्यासाठी आमदार शिवेंद्रराजे यांनी पुन्हा मुख्यमंत्री एकनाथ शिंदे यांना सातारा जिल्हाधिकारी यांना आदेश पारित करावा अशी विनंती केली आहे. तसेच राज्यातल्या होणाऱ्या राजकीय घडामोडींवर मुख्यमंत्री एकनाथ शिंदे व देवेंद्र फडणवीस जे काही निर्णय घेतील ते आम्हाला बांधील असेल असेही शिवेंद्र राजे यांनी सूचक वक्तव्य केले आहे.
हेही वाचा :
