मीडिया रिपोर्टनुसार ‘बिग बॉस १६’च्या घरात एकमेकांसोबत भांडणारे अर्चना गौतम आणि शिव ठाकरे हे दोघे हर्ष लिंबाचिया आणि पुनित पाठक यांच्या शो ‘एंटरटेनमेंट की रात’मध्ये एकत्र येऊन चाहत्यांसाठी मनोरंजनाचा डोस दुप्पट करणार आहेत. मात्र, हे दोघेही या शोमध्ये कायमस्वरूपी सहभागी होणार नसून, केवळ पाहुणे म्हणून मंचावर हजर राहणार आहेत. अर्चना आणि शिव जेव्हा बिग बॉसच्या घरात होते, तेव्हा या दोघांनी एकत्र खेळावे, असे सगळ्याच चाहत्यांना वाटत होते. चाहत्यांनी अनेकदा दोघांना एकत्र खेळण्याचा सल्ला दिला होता. मात्र, ‘बिग बॉस’च्या घरात ज्याप्रकारे दोघांमध्ये भांडण झाले, त्यानंतर शो संपल्यानंतरही हे दोघे भेटतील असे कोणालाच वाटले नव्हते.
