[ad_1]
पुसेसावळी; पुढारी वृत्तसेवा : सातारा-सांगली मार्गावर खटाव तालुक्यातील गोरेगाव वांगी येथे चारचाकी व दुचाकीच्या जोरदार धडकेत तरुण जागीच ठार. प्रकाश पांडुरंग वाघमोडे (रा. देवकरवाडी,निगडी) असे मृत तरुणाचे नाव आहे. तर त्यांच्या पत्नी छाया वाघमोडे या गंभीर जखमी झाल्या आहेत.
या अपघातात दोन्ही वाहनांचे मोठ्या प्रमाणावर नुकसान झाले आहे. प्रकाश वाघमोडे हे आपली पत्नी छाया हिच्या समवेत दुचाकी( एम.एच.11 बी.एन 1637 ) वरून देवकरवाडीकडे यायला निघाले होते. दरम्यान, गजानन बाळासाहेब नागजे हे चारचाकी (क्रमांक एम.एच.10 सी.ए.0804) ने सावंतपूर वसाहत पलूस किलोस्करवाडीला जात होते. रात्री आठच्या सुमारास गोरेगाव वांगी नजीक असलेल्या माने वस्तीजवळ नागजे यांच्या चारचाकीने दुचाकीला जोरदार धडक दिली त्यात प्रकाश वाघमोडे हे जागीच ठार झाले. त्यांची पत्नी छाया वाघमोडे या गंभीर जखमी झाल्या असून त्यांना कराड येथे उपचारासाठी पाठवण्यात आले. औंध पोलीसांनी घटनास्थळी भेट देऊन गजानन नागजे याला ताब्यात घेतले आहे.याप्रकरणी दादासो विष्णू घागरे (रा.जयराम स्वामींचे वडगाव) यांनी पोलीसात तक्रार दिली असून पुढील तपास पोलीस उपनिरीक्षक गंगाप्रसाद केंद्रे करीत आहेत.
[ad_2]
Source link
