फलटण : फलटण नगरपालिका प्रांगणात सध्या सुरू असलेल्या भव्य इमारतीला आद्य क्रांतिवीर राजे उमाजी नाईक यांचे नाव देण्यात यावे, अशी मागणी करण्यात आली आहे. याबाबत भारतीय जनता पार्टी डॉक्टर सेलचे अध्यक्ष डॉ. सुभाष गुळवे, आद्य क्रांतिवीर राजे उमाजी नाईक सार्वजनिक गणेशोत्सव मंडळाचे अध्यक्ष रामभाऊ मदने आणि सामाजिक कार्यकर्ते रुपेश मदने यांच्या वतीने फलटण नगरपालिका नगराध्यक्ष समशेरसिंह नाईक निंबाळकर तसेच मुख्याधिकारी निखिल जाधव यांना निवेदन देण्यात आले.
फलटण नगरपालिका प्रांगणात उभारण्यात येत असलेल्या नवीन भव्य इमारतीला आद्य क्रांतिवीर राजे उमाजी नाईक यांचे नाव देण्यात यावे, असा प्रस्ताव यावेळी मुख्याधिकारी निखिल जाधव यांच्याकडे सादर करण्यात आला.
आद्य क्रांतिवीर राजे उमाजी नाईक यांच्या शौर्य, पराक्रम आणि सामाजिक योगदानाची आठवण भावी पिढ्यांना राहावी, तसेच त्यांच्या कार्याला सन्मानपूर्वक अभिवादन व्हावे, या उद्देशाने नगरपालिका इमारतीला त्यांचे नाव देण्याची मागणी करण्यात आली.
यावेळी आद्य क्रांतिवीर राजे उमाजी नाईक यांच्या स्मारकाच्या सुशोभीकरणाबाबतही चर्चा करण्यात आली. स्मारकाच्या सुशोभीकरणाचे काम लवकरच सुरू करण्यात येणार असल्याची माहिती यावेळी देण्यात आली.
नगरपालिका इमारतीला आद्य क्रांतिवीर राजे उमाजी नाईक यांचे नाव दिल्यास त्यांच्या शौर्यपूर्ण इतिहासाला आणि सामाजिक योगदानाला योग्य सन्मान मिळेल, असा विश्वास निवेदनकर्त्यांनी व्यक्त केला.
हॅशटॅग
#फलटण #राजेउमाजीनाईक #आद्यक्रांतिवीरराजेउमाजीनाईक #फलटणनगरपालिका #समशेरसिंहनाईकनिंबाळकर #निखिलजाधव #डॉसुभाषगुळवे #रामभाऊमदने #रुपेशमदने #उमाजीनाईकस्मारक #फलटणबातम्या #SahasTimes
