यंदाच्या दहावीच्या परीक्षेत उज्ज्वल यशाची परंपरा कायम
फलटण : फलटण येथील मुधोजी हायस्कूल व ज्युनिअर कॉलेज चा यंदाच्या दहावीच्या परीक्षेचा निकाल अत्यंत उल्लेखनीय लागला असून, कु. जान्हवी हंबीर लांडगे हिने 96.40% गुण मिळवत प्रथम क्रमांक पटकावला आहे. तिच्या या दैदिप्यमान यशामुळे शाळेचे तसेच परिसराचे नाव उज्ज्वल झाले आहे.
जान्हवीने सातत्यपूर्ण अभ्यास, योग्य वेळेचे नियोजन आणि शिक्षकांच्या मार्गदर्शनाच्या जोरावर हे यश संपादन केले. तिच्या यशामागे पालकांचे प्रोत्साहन आणि शिक्षकांचे मोलाचे मार्गदर्शन असल्याचे तिने सांगितले.
यावर्षी शाळेतील इतर विद्यार्थ्यांनीही उत्कृष्ट यश मिळवत निकालाची गौरवशाली परंपरा कायम ठेवली आहे. अनेक विद्यार्थ्यांनी 90 टक्क्यांपेक्षा अधिक गुण मिळवत शाळेचा निकाल अधिक उंचावला आहे.
या यशाबद्दल संस्थेचे अध्यक्ष श्रीमंत रामराजे नाईक निंबाळकर, सेक्रेटरी श्रीमंत संजीवराजे नाईक निंबाळकर, चेअरमन श्रीमंत रघुनाथराजे नाईक निंबाळकर, माजी नगरसेविका सौ. वैशाली चोरमले, सातारा जिल्हा अॅम्युचर खो-खो असोसिएशनचे उपाध्यक्ष दादासाहेब चोरमले, कान-नाक-घसा तज्ञ डॉ. जनार्दन पिसाळ, हृदयरोग तज्ञ डॉ. पूनम पिसाळ, डॉ. संदीप देवकाते, सौ. मंगल देवकाते मॅडम, प्रशासन अधिकारी अरविंद निकम, मुख्याध्यापक, शिक्षकवर्ग तसेच शिक्षकेतर कर्मचाऱ्यांनी विद्यार्थ्यांचे अभिनंदन करून पुढील वाटचालीस शुभेच्छा दिल्या.
पालक व नागरिकांनीही विद्यार्थ्यांच्या यशाचे कौतुक करत त्यांच्या उज्ज्वल भविष्यास शुभेच्छा दिल्या आहेत.
