कोळकी बुद्ध विहार येथे श्रामणेर शिबिरास पदाधिकाऱ्यांची भेट; भिक्षु संघास फलाहार अर्पण
कोळकी : येथील भारतीय बौद्ध महासभा आयोजित श्रामणेर शिबिरास पुणे जिल्हा पूर्व व बारामती शहर, तालुका शाखेच्या पदाधिकाऱ्यांनी भेट देत भिक्षु संघास फलाहार अर्पण करून पुढील धम्मकार्याला शुभेच्छा दिल्या.
पुणे जिल्हा संस्कार उपाध्यक्ष नामदेव शिंदे, संस्कार सचिव लक्ष्मण भोसले, बारामती शहर अध्यक्ष भारत सोनवणे, बारामती तालुका सरचिटणीस सचिन चव्हाण व संविधान चव्हाण यांनी शिबिरास भेट दिली. यावेळी भारतीय बौद्ध महासभा शाखा पुणे जिल्हा पूर्व, बारामती तालुका व शहर, तसेच नूतन केंद्रीय शिक्षक चंद्रकांत मोहिते आणि फलटण तालुका शाखेच्या वतीने श्रामणेर भिक्षु संघास फलाहार देण्यात आला.
तसेच आयु. रजनी माने यांनी भिक्षु संघासाठी खीर तयार करून अर्पण केली. उपस्थित पदाधिकाऱ्यांनी श्रामणेर शिबिरार्थींना पुढील धम्मकार्यासाठी शुभेच्छा दिल्या.
या प्रसंगी भारतीय बौद्ध महासभेचे राज्य संघटक तथा पुणे व सातारा जिल्हा प्रभारी, समता सैनिक दलाचे असिस्टंट ऑफिसर दादासाहेब भोसले, सातारा जिल्हा पूर्वचे अध्यक्ष आयु. नानासो मोहिते, संस्कार सचिव आयु. सोमीनाथ घोरपडे, फलटण तालुका अध्यक्ष आयु. भीमराव लोंढे, सरचिटणीस केशव ठोंबरे, अर्जुन ननावरे तसेच ज्येष्ठ सामाजिक कार्यकर्त्या कांताताई काकडे उपस्थित होत्या.
कार्यक्रमात धम्मकार्याबाबत मार्गदर्शन करत श्रामणेर शिबिराचे महत्त्व अधोरेखित करण्यात आले.
