दहिवडी येथे समता सैनिक दलाचे एकदिवसीय महिला शिबिर उत्साहात संपन्न
दहिवडी (सातारा पूर्व) : दिनांक ३ मे २०२६ रोजी समता सैनिक दलाच्या वतीने एकदिवसीय महिला सैनिक शिबिराचे आयोजन दहिवडी येथे करण्यात आले. या शिबिराला मोठ्या उत्साहात प्रतिसाद मिळाला.
शिबिराच्या प्रसंगी समता सैनिक दलाचे असिस्टंट स्टाफ ऑफिसर तसेच महाराष्ट्र राज्य संघटक, पुणे व सातारा जिल्हा प्रभारी मा. दादासाहेब भोसले यांनी उपस्थित महिला सैनिकांना शुभेच्छा देत त्यांना प्रेरणादायी मार्गदर्शन केले.
या शिबिरात भारतीय बौद्ध महासभा शाखा सातारा जिल्हा पूर्वचे संरक्षण उपाध्यक्ष तथा समता सैनिक दलाचे प्रमुख शिक्षक म्हणून मेजर संपत भोसले यांनी उत्कृष्ट ड्रिलचे प्रशिक्षण देत शिस्त, संघटन आणि सैनिक जीवनातील महत्व पटवून दिले. तसेच त्यांनी डॉ. बाबासाहेब आंबेडकर यांनी स्थापन केलेल्या समता सैनिक दलाचे ऐतिहासिक व सामाजिक महत्त्व महिलांना समजावून सांगितले.
यावेळी माण तालुका महिला अध्यक्ष स्नेहल बनसोडे यांनीही आपले विचार मांडले. राज्याच्या संघटक तथा केंद्रीय शिक्षिका राजश्री सरवदे यांनी महिलांना संघटनात्मक कार्याबाबत मार्गदर्शन केले. सातारा जिल्हा पूर्व च्या महिला अध्यक्ष सुजाता गायकवाड मॅडम यांनी महिलांना सामाजिक बांधिलकी व नेतृत्वगुण विकसित करण्याचे आवाहन केले.
शिबिरात विविध प्रशिक्षण सत्रे, मार्गदर्शन आणि शिस्तबद्ध उपक्रम पार पडले. शेवटी सर्वांच्या सहभागातून शिबिराचा समारोप उत्साहपूर्ण वातावरणात करण्यात आला. हे प्रशिक्षण यशस्वी होण्यासाठी भारतीय बौद्ध महासभा शाखा माण तालुका महिला विभाग सर्व पदाधिकारी, भारतीय बौद्ध महासभा शाखा सातारा जिल्हा पूर्व महिला विभागाचे सर्व पदाधिकारी यांनी विशेष प्रयत्न केले.
