फलटणमध्ये डॉ. बाबासाहेब आंबेडकर जयंती महोत्सव 2026 भव्य उत्साहात संपन्न
फलटण :- फलटण शहरात डॉ. बाबासाहेब आंबेडकर यांच्या 135 व्या जयंतीनिमित्त आयोजित जयंती महोत्सव 2026 अत्यंत भव्य, देखणा आणि प्रेरणादायी वातावरणात पार पडला. अध्यक्ष हरिष काकडे (आप्पा) यांच्या कुशल नेतृत्वाखाली संपूर्ण कार्यक्रमाचे उत्कृष्ट नियोजन करण्यात आले होते, ज्याचे सर्व स्तरांतून कौतुक होत आहे.
बारामती पुलापासून पंचायत समिती फलटणपर्यंत तसेच छत्रपती शिवाजी महाराज चौक ते डॉ. बाबासाहेब आंबेडकर चौक आणि पुढे महावीर स्तंभ परिसरात उभारण्यात आलेली आकर्षक विद्युत रोषणाई संपूर्ण शहराचे लक्ष वेधून घेत होती. शहरातील प्रत्येक गल्ली-बोळ उजळून निघाला होता.
यावर्षीचे प्रमुख आकर्षण म्हणजे आंबेडकर चौकात उभारण्यात आलेली कोलंबिया युनिव्हर्सिटी लायब्ररीची भव्य प्रतिकृती, जिथे बाबासाहेबांनी शिक्षण घेतले होते. त्यासोबत तथागत भगवान बुद्धांची मूर्ती आणि आकर्षक सजावट यामुळे परिसर अधिकच देखणा झाला होता.
जयंती निमित्त आयोजित करण्यात आलेल्या भव्य मिरवणुकीतून बाबासाहेबांच्या महान कार्याचा प्रभाव जनतेसमोर प्रभावीपणे मांडण्यात आला. त्यांच्या कायदेविषयक योगदानामुळे महिलांना मिळालेला सन्मान, तसेच त्यांच्या पत्रकारितेच्या वारशाचेही उत्कृष्ट सादरीकरण करण्यात आले.
महोत्सवाच्या निमित्ताने सांस्कृतिक, मनोरंजनात्मक व प्रबोधनात्मक कार्यक्रमांचे उत्तम आयोजन करण्यात आले होते. या सर्व उपक्रमांमुळे शहरात उत्साहाचे आणि अभिमानाचे वातावरण निर्माण झाले होते.
या यशस्वी आयोजनामागे हरिष काकडे (आप्पा), शशीकांत अहिवळे, सुजल गायकवाड, स्वप्निल काकडे, आदर्श अहिवळे, साहिल अहिवळे, संघर्ष अहिवळे,देवराज अहिवळे. साईराज कांबळे संघराज अहिवळे, रोनित अहिवळे, अमर अहिवळे, प्रेम अहिवळे, विराज घोडके, अनिकेत अहिवळे, निसर्ग अहिवळे, साईराज कांबळे, संविधान काकडे तसेच संपूर्ण जयंती समिती सदस्यांचे अथक परिश्रम, जिद्द आणि उत्कृष्ट टीमवर्क कारणीभूत ठरले.
तसेच माजी नगरसेवक सनीदादा अहिवळे, नगरसेवक सचीन (सर) अहिवळे यांचे विशेष सहकार्य लाभले. शक्ती भोसले, चेअरमन सुधीर अहिवळे, सुनिलनाना अहिवळे, सनी काकडे, अमर सोरटे, विशाल पाटील , जयकुमार रणदिवे, विकी काकडे, अशय अहिवळे, दया पडकर, सागरदादा सोरटे, सिद्धार्थ अहिवळे, प्रजन्य अहिवळे, संग्राम अहिवळे, रोहित गायकवाड, प्रणव जीवन काकडे, उमेश कांबळे, विशाल काकडे, कुणाल काकडे, बौद्धाचार्य चंद्रकांत मोहिते, कपील काकडे, गणेश अहिवळे, महादेव गायकवाड, सनी मोरे, विकी बोके, अमोल अहिवळे, सुशांत अहिवळे, मिलिंद भोसले, किरण सर अहिवळे तसेच विविध मित्र मंडळांचे मोलाचे योगदान लाभले.
भीमाई मित्र मंडळ, पंचशील मित्र मंडळ, रमाई मित्र मंडळ, आपलं भीम नगर आणि भीम योद्धा मित्र मंडळातील कार्यकर्त्यांनी रात्रभर मेहनत घेऊन सजावट व झेंडे लावण्याचे कार्य पार पाडले.
एकूणच, डॉ. बाबासाहेब आंबेडकर जयंती महोत्सव 2026 हा फलटण शहरासाठी प्रेरणादायी, आदर्श आणि कायम स्मरणात राहणारा उत्सव ठरला.
