साहस Times : कालकथित बौद्ध उपासिका विशाखा इंद्रजीत थोरात यांचे बुधवार, दि. १ एप्रिल २०२६ रोजी जपान येथे हृदयविकाराच्या झटक्याने दुःखद निधन झाले. त्यांच्या स्मरणार्थ जलदान विधी व पुण्यानुमोदन कार्यक्रमाचे आयोजन रविवार, दि. १२ एप्रिल २०२६ रोजी करण्यात आले आहे.
या कार्यक्रमाची सुरुवात सकाळी ९ ते १० वाजता ध्यान साधनेने होणार आहे. त्यानंतर सकाळी १० ते १०.३० वाजता भिक्खू संघाचे आगमन होईल. सकाळी १०.३० ते ११.३० वाजेपर्यंत परित्राण पाठ आयोजित करण्यात आला असून, ११.३० ते १२ वाजेपर्यंत भिक्खू संघाला भोजनदान दिले जाईल. दुपारी १२ ते १ वाजेपर्यंत धम्म देसना होणार असून, दुपारी १.३० ते २.३० या वेळेत उपासक-उपासिकांसाठी भोजनदानाचा कार्यक्रम आहे.
या पुण्यानुमोदन कार्यक्रमास सर्व बौद्ध उपासक-उपासिका तसेच आप्तेष्ट, नातेवाईक आणि मित्रमंडळींनी उपस्थित राहून श्रद्धांजली अर्पण करावी,
हा कार्यक्रम मंगला व्हॅली क्लब हाऊस, डी-मार्ट पुढे, वसंत व्हॅली रोड, खडकपाडा, कल्याण (पश्चिम) येथे पार पडणार आहे.
या दुःखद प्रसंगी समस्त थोरात, रोकडे, भिसे, खरात व परकाळे परिवार शोकाकुल आहेत.
