दहिवडी (माण) :- सातारा जिल्हा परिषद सातारा, पंचायत समिती माण व केंद्रसमूह तोंडले यांच्या वतीने सन २०२५-२६ या शैक्षणिक वर्षासाठी केंद्रस्तरीय बालआनंद मेळावा आयोजित करण्यात आला आहे. हा मेळावा शुक्रवार दि. २७ मार्च २०२६ रोजी सकाळी १०.०० ते सायंकाळी ५.०० या वेळेत जिल्हा परिषद प्राथमिक केंद्रशाळा तोंडले (ता. माण, जि. सातारा) येथे संपन्न होणार आहे.
केंद्रसमूहातील सर्व शाळांमधील विद्यार्थ्यांसाठी हा मेळावा आनंद, कौशल्यविकास आणि सर्जनशीलतेचा उत्सव ठरणार आहे. विविध शैक्षणिक, सांस्कृतिक व क्रीडा उपक्रमांद्वारे विद्यार्थ्यांना आपली कला सादर करण्याची संधी मिळणार आहे.
या कार्यक्रमासाठी सातारा जिल्हा परिषद सदस्या मा. सौ. सोनलताई गोरे व मा. सौ. अलका जगदाळे, तसेच पंचायत समिती माणचे सभापती मा . श्री . विक्रम शिंगाडे , उपसभापती मा . सौ . प्रियांका जगदाळे व सदस्या मा . सौ . उषा भोसले, मा. श्री. बाळकृष्ण कदम व मा. श्री. अर्जुन काळे हे प्रमुख मान्यवर म्हणून उपस्थित राहणार आहेत.
विशेष उपस्थितीत गटविकास अधिकारी मा. श्री. प्रदीप शेंडगे, (गटशिक्षणाधिकारी पं स माण ) मा. डॉ. श्री. चंद्रकांत खाडे . (सहाय्यक गटविकास अधिकारी पं.स.माण )मा. श्री. लक्ष्मण पिसे, भाग विस्तार अधिकारी (शिक्षण) मा. श्री. विजयकुमार गंबरे, भाग विस्तार अधिकारी (शिक्षण), बीट मलवडी तसेच मा. शमिमबानू तांबोळी भाग विस्तार अधिकारी (शिक्षण), बीट मार्डी यांची उपस्थिती लाभणार आहे.
या बालआनंद मेळाव्यास मुख्याध्यापक, शिक्षक, विद्यार्थी तसेच पालकांनी मोठ्या संख्येने उपस्थित राहून बालचमूंचा उत्साह वाढवावा, असे आवाहन आयोजकांनी केले आहे.
कार्यक्रमाचे आयोजन केंद्रप्रमुख मा. सौ. साधना झणझणे यांच्या मार्गदर्शनाखाली शाळा व्यवस्थापन समिती अध्यक्ष व सदस्य यांच्या सहकार्याने करण्यात आले आहे.
