फलटण प्रतिनिधी –रणजितसिंह नाईक निंबाळकर यांनी राज्याचे माजी उपमुख्यमंत्री अजितदादा पवार यांच्या दुःखद निधनाच्या पार्श्वभूमीवर यावर्षी आपला वाढदिवस साजरा न करण्याचा निर्णय जाहीर केला आहे.
दि. 19 फेब्रुवारी 2026 रोजी त्यांचा वाढदिवस असून, कोणत्याही प्रकारे वाढदिवस साजरा करू नये, असे आवाहन त्यांनी सहकारी कार्यकर्ते, मित्रपरिवार आणि हितचिंतकांना केले आहे. तसेच कौटुंबिक कारणास्तव त्या दिवशी ते बाहेरगावी असणार असल्याची माहितीही त्यांनी दिली आहे.
या पार्श्वभूमीवर वाढदिवसानिमित्त कोणतेही कार्यक्रम, शुभेच्छा फलक, बॅनर, पोस्टर किंवा सत्कार समारंभ आयोजित करू नयेत, अशी नम्र विनंती त्यांनी केली आहे.
अजितदादा पवार यांच्या निधनामुळे राज्यभर शोककळा पसरली असून, या दुःखद प्रसंगी सर्वांनी दिवंगत नेत्यांना भावपूर्ण श्रद्धांजली अर्पण करून त्यांच्या कार्याचा आदर्श जपावा, असेही नाईक निंबाळकर यांनी आपल्या संदेशात नमूद केले आहे.
