🏑 मुधोजी हायस्कूल फलटणचा नेहरू चषकावर कब्जा!
पुणे / फलटण : बालेवाडी, पुणे येथे पार पडलेल्या राज्यस्तरीय नेहरू चषक हॉकी स्पर्धेत मुधोजी हायस्कूल व ज्युनिअर कॉलेज, फलटणच्या 17 वर्षाखालील मुलींच्या संघाने जबरदस्त खेळाचे प्रदर्शन करीत विजेतेपद पटकावले. अंतिम सामन्यात या संघाने क्रीडा प्रबोधिनी संघावर 2-0 ने मात करत राज्य अजिंक्यपदावर आपले नाव कोरले.
संघाने संपूर्ण स्पर्धेत दमदार कामगिरी करत अंतिम फेरीत उत्कृष्ट समन्वय, वेग आणि रणनीती दाखवत विजय मिळवला. या शानदार यशामुळे मुधोजी हायस्कूलच्या संघाची दिल्ली येथे होणाऱ्या राष्ट्रीय नेहरू चषक हॉकी स्पर्धेसाठी निवड झाली आहे.
या अभूतपूर्व यशाबद्दल संपूर्ण संघ, प्रशिक्षक व मार्गदर्शकांचे मनःपूर्वक अभिनंदन करण्यात येत असून राष्ट्रीय स्तरावरही संघ उत्तम कामगिरी करील, अशी सर्व स्तरांतून अपेक्षा व्यक्त केली जात आहे.
🎉 साहस Times तर्फे विजयी संघास व मार्गदर्शकांना मनःपूर्वक शुभेच्छा!
