कुरवली खुर्द (ता. फलटण) – धम्म संस्कृतीचे प्रतीक असलेल्या नालासोपारा येथील प्राचीन स्तूपाच्या स्मृतीचे जतन करण्यासाठी आणि सम्राट अशोकाच्या धम्म वारशाची आठवण जपण्यासाठी आयु. संघराज अशोक निकाळजे यांनी कुरवली खुर्द या गावात एक छोटेखानी स्तूप उभारला आहे.
सम्राट अशोकाने बांधलेल्या ८४ हजार स्तूप व विहारांपैकी आज केवळ काहीच अवशेष उरले असून, अनेक ठिकाणी इतर धर्मियांनी त्या जागांवर अतिक्रमण केले आहे. या पार्श्वभूमीवर डॉ. बाबासाहेब आंबेडकरांनी आपल्या अनुयायांवर धम्माचा वारसा जपण्याची जबाबदारी सोपवली होती.
त्याच प्रेरणेतून आणि पुढच्या पिढ्यांमध्ये धम्माची स्मृती व आदर्श रुजवण्यासाठी निकाळजे यांनी नालासोपारा स्तूपाच्या मूळ विटेचा उपयोग करून कुरवली खुर्द येथे हा स्तूप उभारला आहे. हा स्तूप केवळ धार्मिक श्रद्धेचे नव्हे तर सांस्कृतिक इतिहासाचेही प्रतीक ठरणार आहे.
सध्या अनेक तरुण धम्म विचारांपासून दूर जात असताना, अशा इतिहास जागवणाऱ्या स्मारकांची नितांत आवश्यकता आहे. धम्म बांधवांना या ठिकाणी अवश्य भेट द्यावी असे आवाहन स्थानिकांकडून केले जात आहे.
📹 व्हिडीओ: YouTube लिंक पाहा
