फलटण प्रतिनिधी उमेश काकडे :- महाराष्ट्र विधान परिषदेचे माजी सभापती आणि विद्यमान आमदार श्रीमंत रामराजे नाईक निंबाळकर यांच्या आदेशानुसार, फलटण शहरातील राजे गटाचे प्रमुख कार्यकर्ते आपल्या-आपल्या प्रभागात फिरून पावसामुळे नागरिकांना येणाऱ्या अडचणी समजून घेत आहेत.
शासनाच्या माध्यमातून आपत्कालीन परिस्थितीत मदत पुरविण्यात येत असून, नागरिकांनी आपापल्या भागातील राजे गटाचे प्रमुख कार्यकर्ते आणि माजी नगरसेवकांशी संपर्क साधून मदतीचा लाभ घ्यावा, असे आवाहन करण्यात आले आहे.
या मदत कार्यासाठी सातारा जिल्हा परिषदेचे अध्यक्ष श्रीमंत संजीवराजे नाईक निंबाळकर आणि फलटण-कोरेगाव मतदारसंघाचे माजी आमदार श्री. दीपक चव्हाण हे दोघेही प्रत्यक्ष फलटण शहरातील विविध भागात जाऊन नागरिकांच्या समस्या जाणून घेत, तात्काळ मदत उपलब्ध करून देत आहेत.
पावसामुळे निर्माण झालेली कोणतीही अडचण असल्यास नागरिकांनी राजे गटाच्या कार्यकर्त्यांशी संपर्क साधून आपल्या अडचणीचे निराकरण करून घ्यावे, अशी विनंती करण्यात आली आहे.
